Rusiye Mudafaa nazirligi quralaynıñ 22-nde aqşamdan başlap ve gece devamında Qırımğa 22 dron ücüm etti dep bildire. Mütenasip haber müessiseniñ içtimaiy ağlarında derc etildi.
Rusiye arbiyleriniñ bildirgenine köre, bu uçucısız uçaqlarnı Qırım üzerinde Rusiye ava mudafaası vastaları urıp tüşürgen, amma bunı tasdıqlağan diger malümat ve menbalar yoq.
Aynı zamanda "Krımskiy veter" telegram kanalı, quralaynıñ 23-nde yerli vaqıtnen saat 5:16-da Canköy rayonında bir patlav eşitilgenini bildire. Rusiye ava mudafaasınıñ çalışuvı ya da patlavlarğa oşağan diger yüksek sesler aqqında haber etilmey.
2022 senesinden başlap yarımadağa aman-aman er kün arbiy uçaq ve raketalar ücüm ete, çoqusı allarda Rusiye Mudafaa nazirligi ya da Rusiye akimiyeti bu malümatnı teşkermege imkân olsa da arbiy obyektlerge ücüm etkenini tasdıqlamay.
Quralaynıñ 16-nda ukrayin ve rusiyeli telegram kanalları Qırımğa dronlar ücüm etkenini bildirgen ediler. Olarnıñ malümatına köre, Rusiye Federatsiyasınıñ arbiy taqımınıñ 126-ncı ayrı yalı mudafaası brigadası yerleşken Perevalnıy rayonındaki silâ anbarı ücümge oğradı. Bundan soñ Aqmescit-Aluşta trassasında areket toqtatıldı.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
