Rusiyeniñ Rostov-na-Donudaki Cenübiy okrugınıñ arbiy mahkemesi erkekni «Noman Çelebicihan qırımtatar göñülli batalyonında» iştirak etkeninde qabaatlap, 20 yılğa azatlıqtan marum etti, dep haber ete mahkemeniñ matbuat hızmeti mayısnıñ 22-nde.
Berilgen malümatqa köre, erkek 2024 senesi sentâbr ayında ant etip, batalyonğa qoşulğan, oktâbr ayından noyabr ayına qadar ise Donetsk vilâyetiniñ Velıkonovosilskıy rayonında uruş areketlerinde iştirak etken eken.
«Varçuk İ.F. terror teşkilâtında iştirak etkenini ve terror faaliyeti içün ögrengenini akimiyet organlarına (Rusiye akimiyet organlarına – QA) bildirmedi ve 2024 senesi noyabrniñ 8-nde Rusiye Federatsiyası Silâlı quvetleriniñ arbiyleri tarafından hafiyeli yapqanda tutuldı», – dep aytıla Rusiye mahkemesiniñ haberinde.
Adamnıñ ya da imayesiniñ izaatları şimdilik yoq.
Qırımtatar resurs merkezi qayd etkenine köre, 2014 senesinden başlap «Noman Çelebicihan batalyonında iştirak etüv» sebebinen Rusiye 55 Ukrayina vatandaşını tuttı, 19-ı – işğal etilgen Qırımda, 36-sı – 2022 senesi fevralniñ 24-nden soñ işğal etilgen Herson vilâyetinde.
Rusiye FSBsi «Noman Çelebicihan qırımtatar göñülli batalyonını» 2022 senesi «terror teşkilâtları» cedveline kirsetti.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
