Qırımda qırımtatar milliy areketiniñ veteranı Amet Asanov 82 yaşında vefat etti. Bunı quralaynıñ 23-nde içtimaiy ağlardaki saifelerinde Qırımtatar Milliy Meclisiniñ reisi Refat Çubarov bildirdi.
"Rusiye varvarları tarafından işğal etilgen Qırımdan kederli haber: bugün Yaltada qırımtatar milliy areketiniñ veteranı, 1987 senesi yazda Moskvadaki Qızıl meydanda qırımtatarlarnıñ narazılıq aktsiyasınıñ eñ faal iştirakçilerinden biri Amet ağa Asanov vefat ett", — dep haber etti Çubarov.
Amet Asanov sürgünlikten soñ qırımtatarlarnıñ aq-uquqlarını ğayrıdan tiklemek içün küreşte faal iştirak ete, Krasnodar ülkesinde milliy küreşniñ teşkilâtçılarından ve ilhamlandırıcılarından biri edi. O, 1987 senesi oraq-arman aylarında Moskvada Qızıl meydanda keçirilgen qırımtatarlarnıñ numayışlarında iştirak etti.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
